唔该 ，我要一个常餐啊。
常餐？常餐有咩食架？
同特餐一样啰。
咁特餐係咩嚟架？
同快餐咁上下啰。
咁快餐又係咩嚟架？
车，快餐咪即係午餐。
午餐食咩架？
午餐同晚餐一样架。
咁晚餐又食啲咩啊？
晚餐咪即係常餐啰。
咁啊，我要两个常餐啦。
好嘢啊，我哋今日啲常餐。唔好意思，常餐买晒噃。
唔……咁改要特餐啊。
特餐？特餐有咩食架？
特餐咪即係午餐啰。
午餐食乜嘢架？
都係晚餐嗰啲嘢啰。
咁乜嘢係晚餐啊？
同快餐一样架。
咁快餐食咩架？
唉，快餐咪即係常餐啰。
咁你头先又话冇常餐？
係啊，常餐係买晒啊，咁你试唔试下特餐啊？
两份特餐啦。
唔好意思，特餐买晒噃。
唔……妈妈啊，不如改快餐啦。
快餐又咩架？
快餐即係常餐。
咁常餐又咩架？
常餐咪即係午餐啰。
哎呀，咁午餐有咩食啊？
午餐同晚餐一样架。
咁晚餐呢？
晚餐咪即係特餐啰。
车……咁你头先又话冇特餐？
係啊，特餐係买晒啊。咁你试唔试下个快餐啊？一样嘅啫。
咁两份快餐啦。
唔好意思，冇快餐啊。
离唔离谱啲啊？咁你哋究竟有啲咩餐啊？
午餐啦，午餐好嘢啊。
点好嘢法啊？
同晚餐一样咁好嘢。
咁晚餐又点好嘢法啊？
同常餐一样咁好嘢啰。
咁常餐又点好嘢法啊？
常餐？常餐一早买晒啦，你话好唔好嘢啊？
好啦，好啦，要两份午餐啦。
唔好意思，午餐买晒。试唔试下我哋个晚餐啊？一样嘅啫。
日光日白，食乜鬼嘢晚餐啊！
唉……个名叫晚餐啫，其实咪即係午餐。
好啦，好啦，怕咗你啦，要两份晚餐啦，快啲手啊。
想快？想快就要快餐啦。
